| 呢個世界d人真係好現實... 自私, 自我中心, 冇同情心, 唔理人感受既人通街都係, 呢間學校比我既見識都算多了, 仲有冇d更差既? 今日同danny講開買fairtrade food好d, 即係可以幫到d窮人, 佢竟然唔贊成, 仲話fairtrade貴, 其實都係貴十幾二十p, 又話冇用幫唔到好多, 真係完全o晒, 我買左fairtrade food唔係覺得自己好好人捐左好多錢, 而係我覺得喺我自己可以做到既範圍裡面就盡量做啫..我同佢講話買fairtrade好d喎, 你唔鍾意可以唔聽既, 唔洗話返我轉頭下嘛... 今日夜晚返house途中見到天空隻飛機閃下閃下, 即刻諗起香港, 係一個一時之間好自然既反應, 好掛住香港, 掛住d好人, 我喺呢道其實真係挨日子, 雖然話同呢道d人關係好番d, 但係始終冇一個了解我既fd, 冇一個可以同我乜都講既人, 冇一個喺我唔開心時會聽我呻既人, 冇一個喺我壓力大時會開解我既人, 喺呢道, 其實...好悶, 真係挨緊, 究竟幾時先完? 今日又geog fieldtrip lu, 個個term都有一個, 開始去到悶, 今日仲要行山, 真係幾攰, 仲要又凍又大風 =[ 聽日+星期6日要去d of e行山+camping, 今日又行, 之後幾日又行, 連續4日行山, 我諗我會攰死 =3= 希望呢個weekend好天la, 如果唔係又大風又落雨, 濕濕淋淋都唔知點行... 其實做人唔好咁現實唔係好事咩, 無奈呢個世界既奸姣險惡將每一個人都訓練到好現實+越黎越多人奸起黎, 我呢d咁易信人既人, 係咪會好蝕底?? 但係我唔想變, 呢個就係我, 唔想變, 做乜要變呢? 我唔想連自己都變奸, 我唔想為左呢個奸險, 個個都為自己既世界變 |
